hæ,

Mig langar að segja ykkur frá þessari frábæru heimasíðu sem Leifur var að opna. Þar getur fólk fundið tónlist fyrir veislur, brúðkaup, ráðstefnur, móttökur eða dinner tónlist svo fátt eitt sé nefnt. Endilega kíkið á þetta, þetta er nokkuð smart hjá honum
www.LGtonar.com
Takið sérstaklega eftir hljómsveittini Örkin hans Nóa

Ó yea......... !!!!

Hellúúúúúúúúúúúú

Í dag fannst mér ég einstaklega heppin. Í morgun las ég frétt um það á mbl.is að N1 byði í dag upp á benzínlíterinn á 25 krónur afslætti. Ég vissi nú ekki hvort ég ætti að trú þessu, en fannst þetta nú samt sennilegt þar sem fréttin var sett inn 2. apríl....ekki 1. apríl. Í skólanum var svo rætt aðeins um þetta og var bekkjarbróðir minn alveg sannfærður um það að fréttin hefði borst of seint og farið of seint inn á netið. Ég ákvað þó samt að tékk á þessu og viti menn, líterinn var á 25 króna afslætti. Og það sem gerði þetta enn betra var að ég þurfti ekki að bíða í biðröð því ég er svo frek og þegar ég þurfti að hlaupa inn til að borga inni, var ég næstum því búin að kaupa súkkulaði, en hætti við það því ég fattaði sem sagt trixið þeirra en allir fengu afgreiðslu á dælunni.
Sniðugt. Ég fékk sem sagt eftir mjög ónæakvæma reikninga um 500 kall í afslátt.
Sparnaðarátakið gengur sem sagt bara vel. Við lepjum ekki dauðann úr skel, en spörum einstaklega mikið. Maður sparar til dæmis á því að baka! Mikið er ég nú dugleg.
Ég ætla svo að auglýsa þessu góðu vefsíðu lgtonar.com. Endilega tékki á henni.
Læt svo mynd fylgja af snúllu litlu sem fær nafn á laugardaginn og enginn annar en Ingrid Örk verður annar skírnarvotta! Jeij!

Nýja lúkkið og snúlla

Jæja, þá er ég komin með nýtt "dú". Þetta var reyndar ekk það sem ég sá fyrir mér og hafði hugsað mér að láta gera, en hárgreiðslumeistarinn minn var svo rosalega spenntur fyrir þessari nýju línu, varð að prófa hana. Nú er hárið reyndar styttra og kominn toppur, en ég hafði hugsað mér eitthvað þannig. Ætla að prófa þetta núna og endurskoða málið í vor. "Dúið" skiptir mig miklu máli núna því er komin með ógeð af þessari leti og vilja bara setja hárið upp í stert. Reyndar er máli það, að ég er með svo erfiðan sveip að aftan þannig að hann vildi alls ekki hafa það mjög stutt að aftan!! Svona er nú mikið vesen að vera með sveipi.
En jæja, hérna læt ég líka fylgja með mynd af Hibbu knúsa snúllu sína. Snúlla er uppáhaldsmanneskjan mín þessa dagana :)

Sætustu stelpurnar!!

Þessi litla stúlka fæddist 4. febrúar kl 23:16. Hún er Heiðbjartar og Viðarsdóttir. Ég spái því að hún muni heita Ingrid Örk.....vil samt ekki veðja. :)

Ég reyndi að setja inn mynd strax á þriðjudaginn en vefurinn var með eitthvað vesen. Þetta er hin mesta fegurðardís. Öll fjölskyldan er í skýjunum yfir fyrsta barnabarninu í fjölskyldunni.

Hæ

Ég er lélegur bloggari og blogglöt þar fyrir utan.

Í dag er 13. nóvember, ég er löngu byrjuð að kaupa jólagjafir, byrjuð að láta nemendur fá jólalög, búin að kaupa jólagjafapappír og borða og það sem verst er af öllu......ég er byrjuð að hlusta á jólalögin!!!!
Ég á pottþétt ekki eftir að blogga fyrir jólin þannig að ég óska ykkur gleðilegra jóla og bara.......dillidillidillidillidillidillidilli...I don't ask a lot this christmas, I wont even ask for snow........ :)

Hæ

Þetta er í sexhundraðasta og fyrsta sinn sem ég blogga á þessa síðu.
Ég má eiginlega til með að segja frá þessari rosalegu nótt sem ég upplifði nú síðustu nótt. Nú er ég alveg alein heima fram á mánudag þar sem Leibbi er í Stokkhólmi að spila. Þessvegna var það mjög leiðinlegur hittingur að rokið skildi akkúrat vilja koma í nótt. Það er nefnilega þannig, greinilega, að vindurinn er mun fyrirferðarmeiri hér uppi á 6. hæð en niðri á jörðinni, ímynda ég mer allavegana. Ég byrjaði náttúrulega á því að koma heim í myrkrinu og vera skíthrædd eins og vanalega. Þegar ég var komin upp í rúm fór að hvessa mjög og heyrði ég þessar rosa hviður skella á blokkinni. Ég náði þó að sofna, en svo vaknaði ég og úff, þvílík læti. Í myrkrinu var ég náttúrulega alveg rosa hrædd við vindinn og þorði ekki fram úr rúminu. Svo að lokum fór ég fram úr og gat séð að ekkert hafði fokið af svölunum mínum, en mér heyrðist hlutir takast á loft hérna mjög nálægt mér. Ég þorði þó ekki út á svalir til að koma í veg fyrir að eitthvað myndi fjúka og fór aftur í rúmið. Þá byrja þessi ofsalæti. Svaka skellir, eins og blokkinn væri í þann mund að hrynja. Ég reyndi að róa mig til að sofna en ekkert gekk. Þá finnst mér ég heyra eitthvað takast á loft og lenda á bíl. En það er eiginlega pottþétt að það hafi verið ímyndunin ein. Ég ligg þarna alveg stjörf af hræðslu...við ég veit ekki hvað...óskandi þess að húsbóndinn hefði ekki þurft að fara akkúrat þessa helgi og væri hérna við hliðina á mér eða búinn að fara út á svalir með hetjulegum tilbrigðum og bjarga okkar dóti. Svo fór ég að ímynda mér að einhver myndi vakna og ætla að biðja mig um að skorða dótið mitt af, þá var ég nú alveg viss um að ég myndi fá hjartaslag úr hræðslu ef einhver dinglaði á bjölluna hjá mér. Ég komst við illan leik fram í stofu til að gá hvað illi því að blokkin væri að fjúka, þá sá ég einhvern kassa skellast við handriðið á svölum hérna aðeins ofar með þessum ofsalátum. Það var svo gengið frá þessu dóti, það hætti allavegana þessum látum. Ég endaði allavegana á því að kveikja bara ljósið hringja í mömmu út af hræðslu og fara svo aðeins á netið. Náði svo að sofna til svona hálf átta. Þá vaknaði ég við að eitthvað fór af stað á svölunum mínum. Þá fór hjartað vel af stað. Ég þorði ekki út í rokið. En einhverra hluta vegna sofnaði ég þar sem ég vissi að þetta var lokið af grillinu og það fauk bara út í horn. En um hálf níu þá skellti ég mer í náttbuxur og ákvað að gerast hetja. Fór berfætt út á blautar svalirnar og skorðaði allt flotta Rúmfatalagersdótið okkar af svo það fyki ekki. Þá að lokum sofnaði ég góðum djúpum svefni.

Ég veit ekki hvaða tilgangi þessi saga þjónar. Kannski bara að sanna fyrir ykkur hvað ég er í raun mikill aumingi og lítill hræðslupúki.
Verið sæl að sinni og góða skemmtun um verslunarmannahelgina. Ég verð á næturvöktum. Jibbííí

ÉG VISSI ÞAÐ!

Í fyrra sumar fékk ég að heyra hjá Leifi lög af diski með Michael Brecker. Sérstaklega höfðum við gaman af einu laginu þar og það sem mér fannst svo skemmtileg og eiginlega hálf fyndið var að söngvarinn var James Taylor. Leifur var ekki alveg sjor á þessu,....James Taylor? Svo ég rifjaði upp nokkur lög með gullballöðubarkanum, You've got a friend, Smiling Face o.s.fr. Nei, þetta var ekki hann sko, Leifur alveg sjor á þessu. Svo einhveru seinna erum við í bílnum að hlusta á sömu plötu og aftur byrja ég að tala um þetta, "ég skil ekki að einhver sé með svona líka rödd og James Taylor". Nei, Leifur var alveg viss, hann var búinn að spurja þann sem lét hann fá plötuna og lesa umslagið.
Ég veit ekki hversu vel hann las umslagið eða sá sem átti plötuna hafi fattað að ég væri að tala um James Taylor! En jæja. Nú ári seinna læt ég mér leiðast hérna heima, sólin farin og ég nenni ekki að æfa mig meira, kíki í tölvuna og ákveð að það væri nú gaman að hlusta á þetta lag. Þá fer ég aftur að hugsa um þetta, ég er alveg viss um að þetta sé James Taylor, hvaða maður er með alveg eins rödd og hann?? Ákveð að kíkja á michaelbrecker.com og viti menn:

Michael Brecker Tenor Sax
Pat Metheny Guitars
Herbie Hancock Piano
Charlie Haden Bass
Jack DeJohnette Drums
With Special Guest:
James Taylor vocals

Ég hafði rétt fyrir mér allan tímann!!

Þetta var svona lítil hversdags saga um það þegar manni líður vel yfir einhverju sem skiptir akkúrat engu máli.