Vinnan......

Ég ætla ekkert að tala hérna um vinnuna mína nema að segja ykkur það að ég er orðin ofsalega leið á vinnunni og hlakka til að hætta. Ykkur er öllum velkomið að koma og heimsækja mig í vinnuna því mér leiðist alveg óskaplega þessa síðustu daga því túristarnir eru orðnir aðeins færri.
Tvær síðustu helgar var ég í fríi og voru þær fríhelgar ekki af verri endanum. Fyrri helgina fór ég austur fyrir fjall í smábæjarsælu og brúðkaup í sveitinni. Það var agalega skemmtilegt allt saman. Inga og Raggi eru svo sæt hjón og falleg og veislan þeirra var svo sæt og falleg líka. Á sunnudeginum rúntaði ég með Leifi um Þingvelli og einhverja skóga rétt hjá Selfossi.
Nú. Síðasta helgi var líka alveg milljón. Á laugardeginum var mér og Leifi boðið í hádegismat á Salatbarnum. Alltaf gaman að fá svona boð. Svo var náttúrulega haldið niðrí bæ þar sem Leifur rogaðist með bassann um miðbæinn og ég svona þóttist hjálpa honum með bassan í fínu kápunni minni. Eftir að hafa hlustað á Tepoka spila í Hinu Húsinu og borðað Hlölla í sólinni, hjálpaði ég Tepoka við að koma upp fáránlegu tjaldi fyrir utan Delí í Bankastrætinu og var nafnspjaldadruslan þeirra. Þetta voru þrusugóðir tónleikar þarna úti í gosbrunninum og allir áhorfendur í feiknastuði. Á sunnudeginum var auðvitað sofið lengi og svo skelltum við okkur með hinn bráðholla morgunmat (eplakaka með marsbitum og ís+swiss mokka) útá svalir í sólina og sátum þar mest allan daginn.

Nú fer bara allt í gang aftur von bráðar og ég er farin bara að hlakka til, svei mér þá....og auðvitað að hætta að vinna.