Vá, Jenný Halla er orðin kvikmyndastjarna. Hún fékk að leika þjónustustúlku í "Kaldaljósi" með Ingvari E. Sigurðssyni í svona 3ja mín. atriði. Vá, ég vissi einu sinni ekki að það væri verið að mynda þessa sögu. Þetta er ein sú yndislegasta bók sem ég hef lesið, og viti menn....ég las hana tilneydd í Ísl 503, og mér fannst hún æði. Ég á ábyggilega eftir að lesa hana aftur, því ég passaði mig á því að kaupa nýtta eintak sem ég vil ekki selja, alveg eins og með "Njálu". Ég vona bara að Jenný hafi lesið söguna sem kvikmyndin sem hún leikur í fjallar um. Ef ekki getur þú fengið hana lánaða hjá mér.

Nú vil ég segja frá smá strætóferð í gær. Ég var, eins og svo oft áður á leiðinni heim úr skólanum. Ætlaði bara að drífa mig heim, fá mér að borða og drífa mig svo í tónskólann. Ég byrjaði á því að taka númer 6 frá skólanum. Eins og áður missti ég af 10unni á Grensás svo ég beið eftir 15 í kuldanum. Þegar ég er komin upp í 15, þar sem bílstjórinn var voðalega almenninlegur, sé ég konu hlaupa og veifa strætó, langt frá strætóskýlinu á Miklubraut. Djö, hugsa ég, hann getur ekki stoppað hér, sem reyndist rétt. Svo á næstu stoppu stöð sem var í einhverra metra fjarlægð stoppaði hann og beið eftir konunni. Við biðum og biðum, og ekki kom konan. Djöfull í heitasta, hugsaði ég, nú verðum við ógeðslega sein upp í Ártún. Loksins kom konan. "Ég er alveg búin" hrópaði hún áður en hún kom inn í strætó. Bílstjórinn góðlegi brosti bara blítt, hún þakkaði honum alveg kærlega fyrir. Þetta var allt eitthvað svo gleðilegt. Konan náði strætó og þurfti ekki að bíða í kuldanum og strætóbílstjórinn var greinilega bara glaður yfir þessum greiða sínum við konuna. Það var nú bara gott, hugsaði ég. Það gerir ekkert til fyrir mig. Þegar við svo komum í Ártún sá ég 14 á leið í Mjódd. Ég hef nú venjulega náð honum en samt reyndi ég að hlaupa úr 15 til þess að ná 14, en...viti menn, þegar ég kem fyrir framan strætó, sé ég ekki hvar 14 brunar í burtu. Andskt!!!! Nú þurfti ég að fara inn í Ártún og bíða lengi eftir 4, til þess að komast loksins heim í nokkrar mínútur. Ykkur finnst ábyggilega ekkert merkilegt við þessa sögu og veltið eflaust fyrir ykkur af hverju í andskotanum ég sé að segja frá þessu. Málið er bara það að þetta endaði bara ekkert vel. Jú, fyrir konuna sem komst á áfangastað, en í staðinn þurfti ég að bíða lengur, ekkert svo hlýtt og var komin seinna heim og hafði minni tíma þar til að borða og kast mæðinni. Ég held að það sé til einhver málsháttur yfir svona, kannski eins og "Eins dauði er annars brauð", þó ég hafi náttúrulega ekki dáið, en þið skiljið kannski samhengið. :/

Frábærum tónleikum er lokið. Þetta var alveg rosalega flott hjá okkur og ótrúlega gaman að taka þátt í þessu. Guðni Franzson á hrós skilið fyrir frábæra stjórn, stundvísi, smitandi jákvæðni, skemmtilegt samstarf og töff hár. (svona hár sem hann getur sveiflað til og frá).
Já, annars er ég bara í stuði. Búin að vera í góðu stuði í dag þrátt fyrir mikið stress og tímaþröng. Ég og Hibba vorum svo hræðilega svangar eftir tónleikana að við fórum bara (mamma og pabbi og ETK, fóru á undan heim) og keyptum okkur Subway. Þó ég hafi ekki rassgat efni á því og borðaði með miklu samviskubiti gagnvart sjálfri mér, þá var það himneskt. En dagurinn er búin og dagurinn á morgun bíður. Hann verður ekki eins langur. kem heim svona rúmlega sex, og þá get ég bara..............uhuuuuuuu, lært undir próf:( En, það er ekkert svoa flókið, bara hljóðritunarpróf. Svo vil ég auglýsa fyrir áhugasama um könnunina sem ég er að gera að ég ætla að birta niðurstöður hér. Ég held ég nenni ekki að birta alla ritgerðina hér, sem yrði nokkuð löng og niðurdrepandi fyrir þá sem er ekki kennarinn sem neyðist til að fara yfir ritgerðina. En altént. Fólk er nú samt áhugasamt. Ég á von á góðum heimildum í bráð og þetta verður alltaf meira spennandi ritgerðarefni, en líka alltaf stærra og stærra og meira mál :/

Það er eitt sem ég ætla líka að segja í dag. Fyrir þá sem ekki þekkja til, er vafsið mitt eflaust illskiljanlegt (ekki viss með hvort á að vera y eða i.). Þ.e.a.s. þegar ég er að tala um bróðir minn. Það er nefninlega þannig með Eggert eins og Söllu vinkonu hennar Jennýjar Höllu, að hann gengur undir mörgum nöfnum. Hann heitir Eggert Thorberg, en er stundum kallaður Gerti Glæpon eða bara Gerti. Svo er hann stundum kallaður Eggi en oftar Beggi. Eggi Tobbi er líka vinsælt nafn á hann. Svo er hann líka stundum kallaður Brósi, reyndar mjög oft þar sem það var alfyrsta nafnið hans. Sumum er líka tamt að kalla hann Lilla, sem er nú ekkert svo slæmt ennþá því hann er ennþá minnstur af okkur. Verið svo ekki hissa þó ég tali stundum um ETK, sem er auðvitað litli brói. Vildi bara koma þessu á framfæri.

MMMMmmmmmmmmmmmm.......................................? Saltkjöt og baunir, túkall!

Til hamingju Helga, þú "vafsaðir" í dag!
Ég er búin að vera með "My Funny Valentine" á heilanum í svona nokkra daga. Það er kannski ekki svo ónýtt þar sem Valentínusardagurinn er að ég held bráðum. Annars er þetta bara ágætis dagur. Sæti matsölustrákurinn var næstum því búin að afgreiða mig í morgun. Það gerir daginn skemmilegan, ef maður vill líta þannig á það. Annars gæti ég verið rosa sorrý yfir því ef ég lít þannig á það. En er það samt ekki. Ætla að hita mér pulsu í matinn þ.e.a.s. ef ofur kokkurinn hann Eggert verður ekki komin af sönghríðinni til þess að elda pulsur á snilldarlegan hátt eins og honum einum er lagið. Ótrúlegt hvað 13 ára strákar geta verið klárir í eldhúsinu. Geta raðað í uppþvottavél á aðfangadagskvöld og verið eldklárir í að setja pulsur í pott eða þeytast um eldhúsið til þess að rétta kvennmönnunum skálar fyrir grænmetið sem þær skera niður þegar þeir eiga að elda. Þetta er allt á góðri leið. Ég held að Beggi verði meistarakokkur í framtíðinni og muni aldrei kvarta yfir því þó mamma hans eldi eitthvað vont, því þá mun hann bara elda sér funheita Dominos pizzu beint frá Höfðabakkanum.........Æ, ég veit ég má ekki vera svona vond. Fyrirgefðu Gerti!

Helgin!
Ansi góð bara, ágæt eða svona. Amma og afi fóru vestur í gær....uhhuuuuuuuuuhuhuhuhu!
Fór í fertugsafmæli hjá nýbakaðri móður frænku minna......nýja barnið er frænka mín. Algjör krúsí. Með svo falleg augu! Yndisleg.
Svaf lengi í dag. Það var fínt. Hef annars ekki farið úr húsi. Æfði mig, horfði á leikinn. Lærði og æfði mig á saxinn. Spilaðii og söng á píanóið, My Funny Valentine svona 34 sinnum. Þreif baðið, nuddaði mömmu og fór svo á netið. Það er bara stuð. Safna kröftum fyrir æfinga og tónleikatörnina. Já, vel á minnst, allir að mæta í Ými Skógarhlíð á miðvikudagskvöld klukkan 20:00 á tónleika Tónskólahljómsveitar í Tónskóla Sigursveins D. Kristinssonar. Þetta verður geðveikt stuð, West Side Story og verk eftir einhvern Britten og svo frumflutningur á einhverjum valsi eftir einhvern íslenskan sem ég spila ekki í, svo það skiptir ekki máli. En það verður engu að síður mjög gaman. Endilega komið!

Dagurinn í dag: Greinargerð.

06:45. Síminn hringir vekjaraklukkunni. Nenni ekki á fætur. Er sofandi en veit að ég þarf að fara í sturtu. Bíð eftir að mamma fari í sturtu. Loksins kemur mamma og fer í sturtu, já fínt, þá get ég lagst aftur og lokað augunum. Mamma er búin í sturtu.....ohoo, af hverju á ég aldrei frí í fyrsta tíma!
08:05. Kem inn í skólann. Davíð og Eyþór eru rétt á undan mér inn í skólann. Þeir stoppa og eru eitthvað að velta einhverju fyrir sér, ég segi hæ um leið og ég geng fram hjá þeim álieiðis í skápinn, þeir taka ekki eftir mér. Með eina hliðarskólatösku fulla af bókum og nótum, leikfimistösku og saxafóninn. Hendi þessu inn í skáp og fer svo að öðru borði frá klukku. Jón er mættur, hæ, segi ég, hann segir hæ, sest niður og nenni ekki að tala við neinn eða neitt, helst ekki að heyra í neinu...djöfull eru margir mættir svona snemma, eða er ég svona seint á ferðinni?
11:04. Stjórnmálafræði, lít á klukkuna, fer tíminn ekki að verða búinn, djö...það er hálftími og ein mínúta eftir. Fríða ákvað að koma ekki að skrópa svo ég sit hérna ein og þarf að fylgjast með leiðinlegum umræðum um sósilískt stjórnarfar milli kennarans og tveggja stráka í fremstu röð sem virðast skemmta sér vel. Enginn annar er að hlusta. Strákurinn fyrir framan mig hlær að og talar við þrjá krakka sem sitja fyrir aftan mig....... skemmtilegt að vera svona á milli! Vá, sem betur fer er skólafundur í fjórða tíma svo ég er í eyðu!
14:00. Ég og Rúna Vala ætlum nú að taka á þessu í World Class, mjög skemmtileg ein eining fyrir að mæta aðrahverja viku til þess að fá harðsperrur. Jæja, axlarlyfta, hámark, svona 40 kíló. Lofta ekki. Nú þá svona 31. eitthvað. Lofta ekki. Enda í 27.27 kílóum. Vá þetta var erfitt. Hvað er helmingurinn af 27 kílóum? 13 kíló, hvar á maður að stinga pinnanum? Hvergi, það er ekki hægt að hafa léttara en 13 kíló í þessu tæki. Ó!
15:35. Í strætó með saxann, skólatöskuna og leikfimistöskuna. Uppgefin og máttlaus í fótunum og handleggjunum. Hlusta á "Raindown" kaflann í Paranoid Android. Vá, I suck! Hvað á ég að gera í kvöld, kannski einhver nenni í bíó. Nei, ég verð bara heima, það er best. Eins og er langar mig helst til þess að steinsofna um leið og ég kem heim. Ohoo, ég er svöng. Hugsa um bananann í töskunni. Djöfull í heitasta.... get ekki verið að fylla saxann af svona klísturs ógeði. Best að éta hann bara eftir tíma.
18:20. Sit við tölvuna, máttlaus í fótleggjunum og handleggjunum. Nenni ekki að gera neitt. Ætla nota kvöldið til að fara í nokkra tónstiga á píanóið. Skrifa greinargerð um daginn og reyni að vera fyndin. Áætlun kvöldsins, spila á píanóið og sofa!

Ég vil biðjast afsökunar á því að hafa farið rangt með textann úr "Exit Music". Ég ruglaði saman tveimur erindum. Úps!

"Wake and get dressed,
before your father hears us,
today, we escape, we escape"
(Radiohead)

Þetta lag veður alltaf magnaðra og magnaðra í mínum eyrum. Upprunalega útgáfan er úr Róme og Júlíu, (nýjustu myndinni fra ´9og eitthvað). Svo var gerð svona einskonar Jazz útgáfa fyrir myndina Unfaithful, sem er mögnuð myndi og aðstæðurnar þar gera lagið ennþá magnaðra. Já, alveg rétt...það heitir "Exit Music".

Í dag er mikill gleðidagur. Þetta er fyrsti dagurinn af þeim sem ég á eftir ólifað. Það sem gerði hann ennþá betri er að ég vann mér inn nokkrar krónur sem ég á að fá í lok mánaðarins, sá sæta matsölustrákinn og fékk það að vita að ég þarf ekki að mæta á æfingu annað kvöld. Vá þetta er frábært. Svo varð dagurinn ennþá betri þegar ég áttaði mig á því að á morgun get ég sagt " Á morgun má ég sofa út". Það sem er kannski leiðinlegt við daginn er að á morgun er World Class leikfimi, nei ekki gaman. En það er seinni tíma vandamál. Hugsum ekki um það.
Ég er búin að komast að því að ég get hlustað á Memory (úr Cats) og Creep (Radiohead) undir sömu kringumstæðum, eða svona hugarástandi. Alveg eins og ég get hlustað á The Cage (Travis) og Fake Plastic Trees (Radiohead) í sama hugarástandi. Svona hlutum getur maður sko pælt í þegar maður nennir ekki að pæla í neinu merkilegra.
Ég fékk mér voðalega skemmtilegan mat núna þegar ég kom heim af æfingu (rúmlega 21:00 :( ). Það var soðin ýsa, endurhituð í örbylgjuofninum. Þetta var frekar sérstakt, en bragðaðist samt alveg ágætlega.
Mig langar mest af öllu núna til þess að yrkja ljóð og setja hér inn en er samt svo andlaus, svo ég læt Radiohead nægja.
Og stelpur góða skemmtun og gengi á söngkeppni MR!

"When you were here before,
couldn´t look you in the eye,
you´r just like an angel,
your skin makes me cry,
...
I don´t care if hurts,
I wanna have controle,
I wanna perfect body,
I wanna perfect soul"
Er þetta ekki það sem allir vilja?

Ungir jafnaðarmenn eru með eigin heimasíðu sem ber nafnið politik.is. Allt gott um það að segja. Og vil ég líka auglýsa það áður en lengra er haldið að Dagga skrifaði ritstjórnarpistil á þessa síðu um samræmd stúdentspróf...sem eru by the way fáránleg.
Mér þykir það dálítil frekja hjá "Ungum Jafnaðarmönnum" að kalla sína síðu politik.is þar sem "Ungir Jafnaðarmenn" eru ekki þeir einu sem ræða um pólitík. Mér finndist miklu réttara að síða þeirra héti einfaldlega "ungirjafnadarmenn.is". Nafn síðunnar gefur nefninlega til kynna að þarna sé hægt að fræðast um póltík frá öllum sjónarhornum og fá að vita skoðanir mismunandi flokka á ýmsum málefnum. Allavegana hélt ég alltaf, að um þetta snerist síðan.
Mér finndist því miklu rökréttara að "politík.is" væri síða hlutlausra eða þá sameiginleg síða unghreyfinga stjórnmálaflokka landsins, til þess að skiptast á skoðunum og upplýsa ungt fólk sem hefur nýlega öðlast kosningarétt. Að öðlast kosningarétt er ekki jafn mikill viðburður hjá öllu ungu fólki í dag. Sumum finnst ekkert breytast með þessum réttindum því þeir hafa einfaldlega bara ekki myndað sér skoðun og vita ekki upp né niður í pólitík hvað þeir eiga að styðja, kjósa eða halda um landsmálin. Þó þeir hafi ekki myndað sér skoðun þýðir það ekki að þeir vilji það ekki. Sumir eru bara ekki eins smitaðir af skoðunum foreldra sinna eins og aðrir. Það er auðvitað eflaust til að foreldrar eða hjón standa á öndverðum skoðunum við hvort annað. Hvað eiga þá börnin að halda? Pólitískur áróður er ekki bara á heimilum og í fjölskyldum, hann er í sjónvarpi, útvarpi svo ekki sé talað um skólum og bara einfaldlega öllu því sem ungt fólk hefur gaman af.
Því, eins og ég segi, þykir mér það nokkur frekja í "Ungum Jafnaðarmönnum"- og konum, að eigna sér þetta ákveðna nafn. Nafnið á síðunni bendir einfaldlega til að þar sé að finna allt annað en í rauninni er. Jú, auðvitað eru "Ungir Jafnaðarmenn" pólitíkusar og allt það, en póltiík, svo best sem ég veit, nær yfir svo mikið meira en bara skoðanir upprennandi Samfylkingarstjarna.

Af því að ég er alveg tóm í dag, ætla ég bara að birta síðasta erindið í Memory.

Touch me, it´s so easy to leave me,
all alone with the memory,
of my days in the sun.
If you touch me you´ll understand what happiness is.
look a new day has begun.

Það kveiknaði í bíl beint fyrir framan skólann í dag. Þetta var við sjálfa Hamrahlíðina beint fyrir framan matgarð þannig að við höfðum besta útsíni yfir brunann...þangað til brunabíllinn kom og lagði beint fyrir framan bílinn þannig að við höfðum ekki lengur útsýni yfir atburðinn. En við sáum þá allavegana reykinn sem stóð tugi metra upp í loftið, og eitthvað í eldtungurnar sem teigðu sig upp fyrir brunabílinn.
Þetta var hápunktur dagsins, mjög áhugaverður. Ég er alveg tóm....................................

Mesta krútt, dúlla, rúsína og grasker í heimi, sætasti strákurinn í öllum Árbænum, sá besti og sterkasti, sá skemmtilegasti og fyndansti á afmæli í dag! Já, það er hann Eggert Thorberg bróðir minn. Til hamingju Beggi, ( hann er núna orðin þrettTán!)!

Ég ER Svoleiðis Aldeilis Hneyksluð á Helgu, já með Hneyksluð með Stóru H-i!! Hún sagði að það ræðulið sem talaði á móti landsbyggðinni í bekkjaræðukeppni í MR, myndi vinna. Þar með var hún að ýja að því að landsbyggðinni væri ekki viðbjargandi og hún sjálf væri á móti henni! Ég er nú kannski ekkert svo hissa, þar sem Helgu finnst miklu skemmtilegra að vera hérna í bænum, enda fer hún til Ólafsvíkur nánast hverja einustu helgi, af því að það er svo gaman í henni borginni......híhíhí. Nei, ég er nú bara að grínast. Helga fer heim til þess að stappa stálinu í bræður sína. Sérstaklega Jón Hauk, þegar hann keppir á frjálsíþróttamótum. Helga, ef ég hefði Jón Hauk ganga svona illa í hástökkinu og verða svona miður sín hefði ég ábyggilega farið að háskæla! Jón Haukur er bara svona, maður getur ekki annað en annaðhvort hlegið eða grátið með honum!
Allavegana. Síðustu dagar hafa farið svona aðallega í veisluhöld og virkjanaumræður. Svo fékk ég líka óvart buxur í gær. Flauelsbuxur sem við ætlluðum að gefa Eggerti voru of litlar á hann og bara asnalegar í laginu en pössuðu svona helv... vel á mig. Þær voru á útsölu svo það er ekki hægt að skipta þeim. Úps, en leiðinlegt, ég skal bara eiga þær, það er best;)
Nóg um það, helgin fór öll í að downloda fleiri lögum af netinu, Memory með Börböru vinkonu minni Streisand og Candle on the Water, disney lag, ótrúlega fallegt lag. Svo náði ég líka í Tonight úr West Side Story, alveg ótrúlega undursamlegt lag.Nóg um það, lífið gengur áfram sinn vanagang, aldrei að vita hvað morgundagurinn ber í skauti sér..............

Er það nú vitleysa hjá Elton John. Að fara að taka upp þetta undurgóða lag með "Blue" ....af öllum hljómsveitum. Að hann skildi leggjast svo lágt. Við lagið er búið að bæta þessum týpísku drums, beat...eitthvað sem einkennir öll lög "Blue", þessi tvö. Svo eru það þessir súkkulaðibrúnu gæjar sem eiga að vera voða töff en eru það því miður ekki. Þeir hafa mikið gaman af því að syngja í falsettu, eins og Justin Timberlake, og slá svona Celine Dion heimsmet með löngum heilnótum yfir marga takta og enda svo í einhverri rosa flókinni slaufu. Svo er nú þessi algjörlega misheppnaði svertingi með þeim. Núna er hann búin að safna smá hári og er með svona Hip hop greiðslum, fastar fléttur sem koma aðeins niðri í hnakka og enda í hvítum skrauti. Æ, þeir eru sorglegir. En það er einn töff. Ég veit ekkert hvað hann heitir en hann er svona sambland af Rod Steward og Jon-Bovi. Með svolítið ráma rödd og voða flottur.
Nóg um það. Ég vil óska Helgu til hamingju með nýju frænkuna. Ég eignaðist líka litla frænku um daginn. Hún er reyndar alíslensk og fæddist á þriðjudaginn og mun bera nafnið Ásdís. Stóra systir hennar, Hófi verður 21 árs í apríl. Svona er þetta.
Það er búið að vera voða mikið að gera og ég skrifa ekki á morgun. Það verður önnur löng æfing. Úfff, ég verð að viðurkenna að þetta er svolítið strembið að vera á svona löngum æfingum. Ég ætla nú samt að hafa skemmtilegt og Jenný Halla ætlar að gista hjá mér og við ætlum að tala þangað til við þornum í munninum og horfa á mynd, eða Jenný Halla ætlar að horfa meðan ég sef!

Ég veit ekkert hvað ég á að skrifa núna. Jenný Halla hefur bara skrifað um Clueless og Emmu (kvikmyndirnar) og Helga hefur bara skrifað um eitthvað fyndið sem gerðist í skólanum og manneskjuna sem sat við hliðina á henni í tövuverinu. Ég meina þið megið ekki taka þessu illa, ég er ekkert að meina að það sé ekki merkilegt, bara ég get ekkert sagt um það. Mig langar helst til þess að skrifa eitthvað mjög heimspekilegt en hef frá engu að segja, eða ekkert að ímynda mér. Það getur farið í taugarnar, ábyggilega, á fólki þegar aðrir eru bara að tala um eitthvað svona bull eins og ég. Málilð er bara að ég hef sjálf svo gaman af því, að velta mér upp úr einhverju svona bulli eða þá að tala mikið um það sem gleður mig en er kannski ekkert svo merkilegt í augum annarra, eða er kannski bara ekkert svo stór hlutur. Eins og það að ég er búin að downloda alveg helling af söngleikjalögum en þau gleðja mig mjög mikið. Ég læt mér hlakka til ( ekki alveg viss hvort það eigi að vera "mér") að koma heim til þess að geta kveikt á tölvunni og hlustað á lögin. Það gleður mig líka mjög mikið að í gær fann ég headphone sem virka og líka batterí til þess að hafa í ferðageislaspilaranum. Þá gat ég hlustað á tónlist á leiðinni á æfingu og á leiðinni heim. Núna er ég til dæmis mjög glöð yfir því að það er til Pepsi og ég sit hér við tölvuna með pepsiglas. Mjög gaman.
Ég get nú reyndar sagt Jenný Höllu það í fréttum að ég fór og keypti mér peysu í dag í Hagkaupum á útsölu. Hún er reyndar ú 100% acryl, en allavegana ný og flott. Það kætti mig mjög!

Líf mitt er söngleikur. Viljið þið vita af hverju? Já, ég skal segja ykkur það. Þegar ég er í góðu skapi og labba í strætó eða bara á einhverri gangstétt einhverstaðar, hugsa ég mér að ég gangi í takt við það lag sem ég er með á heilanum í það og það skipti. Stundum er ég með tónlist í eyrunum og þá hugsa ég og hegða mér í samræmi við þá tónlist. Tökum sem dæmi, ég er á gangi eftir Miklubrautinni, ég er með Abba í tækinu, "Gimme, Gimme, Gimme..." ég geng í takt við lagið, ég arka áfram. Ég er að fara heim, ég er ég, nú ætla ég að fara að æfa mig, mér líður vel, lífi mitt SKAL verða gott, ég SKAL gera allt vel og rétt!
Tökum annað dæmi. Ég geng eftir Miklubrautinni áleiðis í strætó. Ég er með Radiohead í, "Exit Music", (lag úr Rómeu og Júlíu, mjög sorglegt), af hverju líður mér svona, mér gengur ekkert alltof vel, mér er illt í bakinu, ég vil fara heim, draumaprinsinn sér mig ekki...o.s.fr. Svona get ég látið tónlistina tala, í staðinn fyrir að hugsa alltof mikið.
Ef ég heyri uppáhalds lagið mitt í útvarpinu fer ég í gott skap, mér líður vel, þeir hafa ábyggilega vitað það á útvarpsstöðinni að ég vildi einmitt heyra þetta lag, akkúrat núna! Ég fæ nýtt lag til að æfa, það er mjög flott, annaðhvort eitthvað rómantískt þar sem ég verð að nota pedalinn rétt og mikla slökun og ró, eða ég fæ nýja Sonatinu sem er Allegro, mikið skraut og reynir á hraðtæknina. Mér gengur vel með lagið og það kæti mig mjög mikið. Ég downloda lagi af netinu í tölvuna, það er svo skemmtilegt og mig hefur alltaf dreymt um að eiga það til að hlusta á þegar mig langar til! Ég fann hljómana og textann við uppáhaldslagið mitt, ohooo ég er svo glöð, nú get ég sungið og spilað réttu hljómana við þegar mig langar til. Þvílíkt himnaríki!
Svona er líf mitt. Ef einhver gerir eitthvað, akkúrat þegar ég er í þannig skapi að það er fyndið, þá syng ég lag um það eða vísu, ég kannski geri það ekki en mig langar helst til að gera það. Þegar ég spila í hljómsveit, heyri eitthvað ákveðið lag, finn að tónlistin er alveg að ganga upp, þetta smellur allt saman, allt er æðislegt, þá fæ ég einhverja tilfinningu sem ég get með engu móti lýst, nema kannski að mig langar helst til þess að springa mér líður svo vel og þetta er allt svo flott!
Eins og ég segi er líf mitt einn stór hamingjuríkur söngleikur. Það er vegna þess að ég trúi að einvhersstaðar ofan Regnbogans fljúga þrestir og þar sé draumaland með stórum vínekrum og fallegum skógum, tærum sjó og hreinum ströndum. Vegna þess að ég trúi að einhversstaðar sé staður okkar og einhvertíman finnum við tíma til að elska og fyrirgefa, einhverntíman, einhversstaðar, einhvernveginn. Vegna þess að ég klifra hvert fjall og finn minn draum. Vegna þess að ég vil fóðra fuglana. Vegna þess að einhverntíman í æsku minni hef ég gert eitthvað gott til þess að verðskulda þetta. Vegna þess að ég á mér óskastjörnu. Vegna þess að ég dansa í draumum og vegna þess að þegar mér líður illa hugsa ég um uppáhaldshlutina mína og þá líður mér ekki illa. Vegna þess að uppáhaldshlutirnir mínir eru einmitt þetta, tónlist!


(Vitnanir í Sound of Music, West Side Story, The Wisard of Oz, Gosa og Cinderella)

Charlie Parker var aðalnúmerið í dag, ég reyndi við niðurskrifað sóló hans í dag...það er erfitt. Það er erfitt fyrir mig en myndi teljast mjög létt fyrir aðra. Ég er nokkuð viss um að sóló geta verið erfiðari, sérstaklega þegar á að semja þau ... Á STAÐNUM!

"Saturday night and it´s quarter to six and your friends are all out and you feel like shit, cause they never call you, they never ever call you!"- (Travis)
Þessi lína átti við mig í gær, eða svona næstum því, mér fannst það þó hún ætti ekkert við mig. Samt kannast maður við þessa tilfinningu sem lýst er í laginu, þegar manni langar að gera eitthvað en nennir því samt ekki og vinirnir eru uppteknir.
Ég fór bara í sjoppuna um ellefu leytið í gærkveldi til þess að kaupa mjólk, kók og kúlusúkk. Eggert ákvað að koma með mér. Alla leiðina niðureftir talaði hann um Metal Gear Solid, sem er "by the way" tölvuleikur. Ég skildi eiginlega ekkert um hvað hann var að tala, en mér fannst hann vera að tala um bíómynd því þetta er víst eitthvað svaka drama. Málið snýst um hermenn og einhver samtök í Rússlandi..eða eitthvað. Ekki nóg með það að sá sem leikur sér með tölvuleikinn leikur hetjuna, blandast inn í þetta fólk af öllum toga. Þarna má finna ástarsambönd, sundrað fjölskyldu líf eða feðgasamband, móðir sem missir barnið sitt í hendur einhverra vondra manna og þar fram eftir götunum. Ég skildi ekki söguþráðinum eða um hvað málið snýst en náði þó þessu. Þetta finnst mér ótrúlegt!

Vá, ég er ein í heiminum. Eftir að hafa lesið nokkurnveginn yfir hljóðfræðina og efnafræðina og spilað gagnstiga og farið yfir verkin sem ég á að æfa, ákvað ég að kíkja í tölvuna og á netið. Það var enginn á msn. Og það er eitthvað að gerast hjá öllum nema mér. Ekki það ég nenni ekki neinu, en samt. Eyþór er í einhverri ferð með nemendafélaginu, sem er bara svona djamm frá A-Ö. Jenný Halla er að fara á ðe likk, "The Lick" í kvöld á Broadway, vona að hún skemmti sér vel og Helga er heima. ohoh, hvað það er einmannalegt núna. Svo eru Hibba, Sunna og Viðar að fara í afmæli í kvöld þannig að ég ætla bara að horfa á eitthvað í TV-et með Gerta, mömmu og ömmu og afa.
Í gærkveldi hélt ég að ég myndi deyja af of miklum hlátri. Ég fór með Hibbu og Viðari og vinum Viðars í sund. Það var voða gaman. Svo fórum við að spila Actionary, guð það var svo gaman. Ég kynntist nýjum hliðum á þessum krökkum þegar æsingur fór að færast í spilið og allir urðu mjög furðulegir.
Sem sagt. Ágæt helgi enn sem komið er.

Þetta er margslungin veröld sem við búum í. Stundum veit ég ekki hvað er upp og hvað er niður. Ég spyr fólk hvað snýr upp og hvað snýr niður. Ég legg þá af stað í þeirri trú að fólk hafi sagt mér það, en þegar á reynir kemst ég að því að upp er í raun niður og niður upp. Stundum verður meira að segja upp hálfgert á hlið eða rokkar á milli upp og niður og getur ekki ákveðið sig og er bara einhvernveginn skakkt. Ég held líka að ég viti svona oftast hvar fólk er, hvort það sé uppi eða niðri en fólk er oft á allt öðrum stöðum en ég hélt það væri. Þetta gerir veröldina óstöðuga og óörugga.
Það eru samt til staðir sem maður veit hvar eru, og maður veit hvort maður getur verið þar eða ekki. Og staðreyndin er sú að maður getur alltaf verið þar, ef maður vill, bara alltaf. Stundum vildi ég að ég gæti flogið á einhvern annan stað, sem ég veit ekki hvar er, en staðreyndin er sú að á þegar hólminn er komið, vil ég helst vera á gamla staðnum sem ég veit hvar er.
Niðurstaðan er þá eflaust sú að veröldin getur bæði logið og sagt sannleikann. Maður getur ekki alltaf búist við því að hún segi alltaf sannleikann. Það að hún lýgur gerir sannleikann betri og mikilvægari. Ef hún segði alltaf sannleikann, væri hann ekkert alltaf jafn mikilvægur.
Já, þetta er flókið.

Ég fór á æðislega skemmtilega æfingu í gær. Í fyrsta sinn í rúm þrjú ár fæ ég að spila á saxafóninn í hljómsveit..sko orchestra. Og það eru meira að segja fiðlur, violur, selló og kontrabassi og..........harpa! Þetta er mjög skemmtilegt. Ég var reyndar orðin nokkuð þreytt en æfingin var frá 19 til rúmlega níu. Ég var orðin "nett" þreytt. Svo verða þriggja tíma æfingar líka. Svo endar þetta með ósköpum 29. janúar en þá verða tónleikar. Nei, ég meina það eru engin ósköp, bara læti...sko tónlistin.

Ég var búin á hádegi í dag, eiginlega ekki hádegi því hádegishléið okkar byrjar eiginlega of seint, þegar hádegið er búið. En allavegana. Ég var í fjórum tímum, sem eru allir tímarnir fyrir hádegi. Ég var að drepast úr þreytu. Í fyrsta tíma var ég alveg að sofna og ég heyrði ekki orð af því sem kennarinn sagði. Ég skildi umræðuefnið svona smá, en ekki nóg. Ég horfði á einhverjar rúnir á blaði og átti að búa til galdur, stefna honum á eitthvað með rúnum og færa svo yfir í dulrúnir. Vá ég skildi þetta ekki. Ég skrifaði með erfiðismunum, Skaði, tjón, eldur, náttúra....nei ég skil þetta ekki heldur, og breytti svo þessum þremur rúnastöfum í dulrúnir, meira gat ég nú ekki og held að þetta hafi bara verið eitthvað bölvað bull......nei ég meina, galdrar...hehe. Kennarinn sagði svo "Farið svo bara varlega með þetta, við viljum ekki að neitt gerist" ég fór að hlæja þá en hann sagði að við vissum aldrei og það er alveg satt. Í öðrum tíma var ég líka alveg við það að sofna...í einu atómi eða frumeind er kjarni, róteindi.....nifteindir.............fór og fékk mér kalt vatn til að vakna. Í þriðja tíma var ég einnig á tímabili alveg að sofna....."Jafnaðarmenn...........Femenismi....afstaða, rök, þróun....utanríkismál, innanríkismál". En ég náði mér á strik við kvenréttindaumræðuna. Í fjórða tíma var ég hin hressasta og kláraði hópavinnu á met tíma...kortaverkefni: finndu vestast kirkjustaðinn á kortinu...vá ég var í essinu mínu.

Ef ykkur finnst leiðinlegt að lesa um það sem ég geri á daginn endilega látið mig vita, því stundum er ég svo tóm.

Gervi Plast Tré- smá hugmynd, ófullkláruð þó
(Radiohead)


Ég rita þér lítið ljóð
og reyni að fær´ á blað
Ef þú segir mér allt.
Hún sagði mér söguna
af síðdegisfundunum
svo ég græt mig í hel

Ég fer hér út

Ég þol´ ekki dræsuna
og alla af hennar ætt
því mig verkjar af sorg.
Ég hélt það var hamingja
sem hélt okkur saman
en ekkert mun fá það bætt

Nú ferð þú út

Ég get ekki horft á það
sem var okkur sameinað
nú hugurinn brotnar og deyr
Ef enginn er hugurinn
hvers vegna að hald´í hann
ef deyða má líkamann.

Nú fer ég út

Horfðu á mig deyja frá þér, þín var sök. (það varst þú)

Þreytt. Ég reyni að halda augunum opnum og halda áfram að lesa í bókinni. Ohoo þetta er erfitt. Einhver manneskja liggur á bekknum upp við vegginn, út við gluggann með rassinn fram í salinn og hrýtur. Strákur og stelpa sitja við hinn enda klukkuborðsins. Strákurinn reynir að halda uppi samræðum við stelpuna sem virðist of áhugalaus til að tala við hann og er of upptekinn af bókinni sem hún er að lesa. Blikka augunum hægt, loka....opna. Halda augunum opnum.....reyna, ekki loka. Þessi bekkur er óþægilegur. Ég reyni að halla mér upp að glugganum..... kalt. Bekkurinn er auður, á ég að leggjast? Ég gæti lagst á úlpurnar. Úlpan hans Jóns, ekkert sérlega djúsí koddi. Augun vilja lokast. Ég leggst. Einhverjir krakkar eru hinum megin við súluna að tala saman, voða spekingsleg, það er það eina sem ég skynja, ég heyri ekki í þeim, ég er of þreytt. Óþægilegt. Ég sný með andlitið fram í salinn. Kápan nær ekkert að hylja mig almennilega. Mér er kalt. Þetta er líka óþægilegur bekkur. Ég get ekki sofið í skólanum, ég hef aldrei sofið í skólanum. Rís upp, reyni að lesa meira. Þetta er ábyggilega í fyrsta sinn sem ég nenni ekki að lesa bók, mér til skemmtunar. Þetta verk er ekki nógu spennandi, það vantar meira axjón í þetta. Hvað á ég að gera. Fer inn á klósett og læt renna kalt vatn í flöskuna. Kalt vatn.....ahaahh hressandi. Sest aftur, augun blikka, loka.........opna. Hvenær fer þessi fjandans eyða að verða búin. Í fyrsta sinn finnst mér leiðinlegt í eyðu og bíð eftir því að tíminn hefjist.



Hápunktur dagsins. Tvöfaldur stjórnmálafræði. Ótrúlegt en satt. Það var ekki planað, en varð það. Einhver strákur, stereótýpa með strípur í hárinu og ferðatölvu á borðinu, kannski meira svona FM-týpa heldur en Stereó, reynir að telja bekknum trú um það að það sé ekki eigingirni að vilja hagnast sjálfur og að reyna það. Sami strákur heldur því seinna fram í tímanum að allir eigi að hafa frelsi til að velja sjálfir. Ef hann vilji skera af sér eyrað sé það hans mál, því hann eigi að hafa frelsi til þess. Hann hafi frelsi til að eiga bíl, ætti hann ekki að hafa frelsi til alls annars? Skemmtilegar og áhugaverðar umræður sem fljótlega leiddust út í fíkniefni og drykkjuvenjur Íslendinga. Ég hlakka til annarinnar, þetta verður skrautlegt fyrir kosningar með þetta fólk í tímum....úfff!

Ég veit ekkert afhverju síðan er svona útlítandi og linkarnir svona asnalegir. Af hverju er linkurinn hennar Jennýjar þarna niðri en allir hinir uppi? Oooh þetta bévítans tölvu-net rugl! Ef þetta gengur ekki upp hjá mér, má fjandinn eiga það, sko "vafsið", annars ætla ég sjálf að eiga það.

Dagga sagði að ég skrifaði góða texta, ég var bara rosalega upp með mér, takk Dagga!

Skólinn er byrjaður á ný eftir jólin...og það þýðir að framhaldssólanemar skríða fram úr bólum sínum, rífa sig frá nammiskálinni, DVD-spilaranum og úr náttfötunum og láta sjá sig í Kringlunni. Kringlan hefur líklega verið tóm af framhaldsskólanemum milli jóla og nýárs og fyrst eftir nýárið. Það er alltaf skemmtilegt að koma og láta sjá sig og sjá aðra. Suma er gaman að sjá, aðra ekki...svona eins og gengur, alveg það sama að sumum finnst gaman að sjá mann, öðrum ekki.

Ég hef áhuga á íslensku, ég held að það sé alveg ljóst. Hættið því að "dissa" mig.....ég kann líka að slétta....hehehehehe!

"Vafsa" hefur fengið atkvæði mitt og afa, en "vefsa" hefur fengið eitt atkvæði.

Eyþór var eitthvað að hneykslast á þessu í dag. Hann sagði að þýðingin væri ekki rétt hjá mér, þ.e. vefskrif og sagði að blogga þýddi frekar "vefdagbók". Málið hjá mér snýst ekkert endilega um það hver þýðing orðsins er heldur að það er ekki íslenska og það er alltaf gaman að reyna að finna upp á einhverjum nýyrðum. Vala var heldur ekkert ánægð með þetta og sagði að orðið minnti sig á orðið "lufsa". Þá fór ég að hugsa....kannski er hægt að búa þá til eitthvað annað orð úr "vefdagbók" eins og að "vabba", ekki "vappa". Orðið fengi þá þá skýringu að vera myndað úr "vefur" og "dagbók" eða einfaldlega "bók". Ég held að þetta orð þýði ekki neitt nú þegar. Það mætti líka hugsa sér að síðan sjálf væri kölluð "vabb" því það er jú dagbókin sjálf, en að skrifa á síðuna myndi kallast að "vafsa", þ.e. að "vefskrifa". En þetta er allt of flókið að hafa tvö orð. Þetta þarf einfaldlega að vera einfalt og meðfærilegt orð, auðvelt að muna og segja og skrifa. Leggið nú höfuðið í bleyti, látið í ykkur heyra.

Ótrúlegt, Ótrúlegt, hvað sumir geta pælt í og velt sér upp úr!

Ég var sem sagt að skoða "vafsið" hjá Helgu vinkonu minni. Þar var hún með einhverja linka (þetta er heldur ekki gott orð) og m.a. einhvern Dodda. Ég varð nokkuð forvitinn að vita hvort þetta væri nokkuð Doddi á móti, en ég held að þetta sé ekki hann. Þessi Doddi var að vekja máls á pistli sem Stefán nokkur hafði skrifað, verslingur mikill. Ég veit hver þessi Stefán er, merkilegt nokk, þar sem systir hans er vinkona frænku minnar en henni fannst ég alveg "perfect" fyrir bróður sinn, Stefán. Ha Ha, voða fyndið....í tvo daga, ekki ÁR!! Altént. Í þessum pistsli sínum á hans "vafsi" var hann að tala um Kryddsíldina á Stöð 2 á gamlársdag. Þar var hann að verja Davíð Oddsson og það sem hann sagði í þættinum. Þessi Doddi var greinilega mjög hneikslaður á þessu, enda ekki verslingur, heldur MR-ingur.

Stefán er mikill Sjálfstæðismaður, sem er ekkert slæmt. Mér finndist fyndið ef hann mætti Döggu vinkonu minni, sem er mikill vinstri sinni og er nú um það bil að hella sér í kosningabaráttuna með Samfylkingunni og er í Félagi ungra jafnaðarmanna, sem er heldur ekkert slæmt.

Það sem mér finnst fyndið við þetta allt saman, er að ég hef ekki svona mikið vit á pólitík eins og sumir. Svo er svo fyndið líka hvernig þetta skiptist eftir bæði skólum, hverfum og landshlutum. Stefán er frá Patró og Borgarnesi og er í Versló en Dagga er Kópavogsbúi, í MH. Ég vil því benda Döggu á það að kíkja á síðuna hans Stefáns ef hún er í baráttuhug, enda er hún góður penni og hefur gaman af því að tala um pólitík.

Dagga er með link hér en Stefán hefur síðuna stefaneinar.com.

Fór og náði í stundatöfluna áðan, stuð. Þarf að breyta henni aðeins en það ætti ekki að vera mikið mál.

Ég er ekki alveg sátt við þetta orð "blogga". Ég bæði veit ekki uppruna þess eða skil nákvæmlega hvað það þýðir. Ég hef því reynt að finna nýtt orð á íslensku yfir það að "blogga". Internetið myndi heita á íslensku Alþjóðanetið eða Alþjóðavefurinn. "Vefur" er kannski þrengra orð en "netið". Vefur myndi vera notar yfir ákveðin heima-svæði á netinu. Að "blogga" er að skrifa á netið og búa svona til sitt eigið svæði á netinu. Íslenska orðið yfir að "blogga" yrði þá "alþjóðavefskrif". Eins og gefur að skilja er það nokkuð langt orð og sögnin yrði að vera að "alþjóðavefskrifa". Til að stytta það er strax hægt að nota "vefskrif". En það er ennþá of langt orð. Hvernig er þá hægt að stytta þetta orð svo hægt sé að nota það á þægilegan hátt eins og orðið að "blogga" sem fellur vel að íslensku máli. Ég velti því fyrir mér nokkrum orðum. Að "vefsa" væri hægt að nota, svo "s" -ið haldi sér í orðinu. Annars væri hægt að tala um að "vefja" en það er svo almennt yfir bara allar gerðir vinnslu á netinu. Þá datt mér í hug smá hljóðbreyting. Við tölum um það að "vafra" um á netinu, þ.e. að leika sér á netinu og fara frá einni síðu á aðra. Hvernig væri þá að breyta "e" -inu í að "vefsa" í "a" og segja að "vafsa". Þetta væri ágætt orð til að nota og myndi beygjast eins og að "blogga" nema að það er dreigið af íslenskum orðum og myndað þannig. Reyndar mætti færa rök fyrir því að orðið sé ekkert íslenskt bara bull og upphaflega er "vefur" ekkert alíslenskt, sbr. Web. En það er allt of langsótt. Nú megið þið alveg senda mér sms eða e-mail á dirgnikro@hotmail.com og segja mér hvort sé betra "vafsa" eða "vefsa". Með smávegis skoðanakönnun væri því hægt að slá út um það hvort orðið eigi að nota. Atvkæði mitt fellur til að "vafsa".

Að "vafsa" = 1
Að "vefsa" = 0

Ég vona að þeir sem ekki eru með linka hjá mér móðgist ekki, þ.e. af þeim sem ég þekki, ég mun kippa þessu öllu í liðinn með tímanum! :)

Núna kann ég að bæta fólki inn á linka, sneddý! Ég er södd. Ég er södd eftir jólin. Samt er ég alltaf svöng. Samt hef ég ekki fitnað. Ég er greinilega ekki eins og fólk er flest, bara augljóslega allt öðruvísi. Samt er ég nú það lík öðru fólki að ég kann líka að gera mig að fífli....því ég er alltaf ekki að gera mig að fífli eins og allir aðrir.....(?)

Í afmælinu góða á föstudaginn, þar sem ég spilaði póker í fyrsta sinn, byrjaði ég á því við mína flottu innkomu í teitið að ganga á röðina og kyssa alla og óska þeim gleðilegst árs. Þegar ég kem svo að strák sem ég þekkti ekki neitt, varð ég náttúrulega svolítið vandræðaleg þar sem ég ætlaði að ráðast á hann og kyssa hann á kinnina, en sem betur áttaði ég mig og dreif mig bara á næstu mannesku og þegar ég kom að henni og var að kyssa hana (stelpuna) á kinnina fattaði ég að ég þekkti stelpuna ekki rassgat. En samt kláraði ég nú bara að óska henni gleðilegs árs en ákvað þá bara að draga mig í hlé. Enginn getur ímyndað sér hvað ég skammaðist mín mikið. Mér leið eins og fávita allt kvöldið, svona þegar ég gleymdi ekki að hugsa um það. Kannski gerði ég mig ekki að neinu fífli en mér leið svoleiðis sjálfri. Annars reyndi ég bara að hlæja og vera kammó.

Hvað maður getur verið asnalegur. Það er bara eins og líf mitt sé orðið sápuópera eins og hjá henni Döggu!

Hvað gerði ég án tölvunördsins Eyþórs

Í gær fórum við í mat til Þóru og Lárusar s.s. Jennýjar. Það var náttúrulega mjög gaman, góður matur og mikið talað. Alltaf þegar ég fer til Jennýjar er ég þurr í munninum þegar ég kem aftur heim af því að þá hef ég talað svo mikið. Jenný Halla talar líka alvega nonstop þegar við hittumst þannig að við nánast samkjöftum ekki. Það er alltaf voðalega gaman.
Við ákváðum í gærkveldi að eftir stúdentspróf ætlum við Jenný til annaðhvort London eða Danmerkur. Í London langar okkur til þess að vinna og lenda í ævintýrum en í Danmörku langar okkur ekki bara til þess að vinna heldur að fara í Skals skólann og læra að sauma. Ég væri alveg til í þetta svona tvö námskeið en Jenný Halla ætlar sko að vera í hálft ár eða eitthvað. Þetta væri ábyggilega alveg geðveikt ef af þessu yrði..ég er strax farin að hlakka til.

Gemsafjandi!!..... ég get svo svarið það að ég stillti vekjaraklukkuhelvítið á 10:15 en svo kom mamma inn til mín í morgun og sagði "ohoh ég á svo erfitt með að vakna, ég verð að vera tilbúin klukkan eitt". Mér brá náttúrulega ógurlega og kíkti á klukkuna og þá vara bévítansklukkan 11:52. OG ÉG SEM ÆTLAÐI AÐ VAKNA KLUKKAN HÁLF ELLEFU í síðasta lagi!!!!!!! Nú verður ennþá erfiðara að vakna á mánudaginn. Heitasta helvíti.!

En samt er ég nú ekkert svona brjáluð í dag! Ég fór í afmæli til Fjólu og Davíðs í gær en hann varð 18 ára í síðustu víku eða ári en hún verður 19 núna á sunnudaginn. Það var voða gaman, lærði póker í fyrsta sinn og allt. Ég fílaði mig eins og í ekta pókeratriði í bíómynd því Davíð sat fyrir enda borðsins og sagði svo alltaf svona, in his own good way,: "glæsilegt, gjörðu svo vel það er þinn leikur, fínt, mjög fínt."...o.sv.fr. Hann endurtók og sagði allt sem leikmenn gerðu "Ingrid pakkar, Benjamín hækkar um fimm, fínt, glæsilegt, Eyþór hækkar um fimm líka þetta er alveg frábært."...o.sv.fr. Svo segir hann þetta með sinni spekingslegu og yfirveguðu rödd og svo lyftir hann höfðinu svona og sveiflar því rólega með hökuna upp í loftið......erftitt að lýsa þessu. En það var bara mjög gaman þarna alvega exellent!

Jólafríið fer að verða búið og hið daglega amstur tekur brátt við á ný. Það sem er nú skemmtilegt við það daglega amstur er að stundataflan mín verður ekki eins og fyrir jól...( oh really!) Nú verður spennandi að byrja í nýjum áföngum eins og vísindasögu, málfræði og hljóðfræði, galdrabókmenntum, líffræði, að hlusta á tónlist-áfanganum og kannski stærðfræði eða stjórnmálafræði. Það sem ég get ekki ákveðið mig með er í hvað íþróttaáfanga ég á að fara. Á ég að fara í sundáfanga, sem myndi henta mínu baki ágætlega eða á ég að fara í World Class og reyna að styrkja mig eitthvað. Þetta kemur allt í ljós. Það sem ég hef nú mestar áhyggjur af núna á þessari stundu ( right now this very moment) er að snúa sólarhringnum við, í morgun var ég rosa dugleg og byrjaði að lesa uppi í rúmi klukkan 10:45 og fór svo í sturtu og fékk mér morgunmat klukkan hálftólf. Á morgun ætla ég svo að reyna að vakna klukkan 10, en það mun reynast þrautinni þyngra.

Jenný Halla vinkona mín er lukkunar pampfíll ....eða ég held að það sé skrifað svona?! Hún fær flottar pikkupplínur og allt, sætir strákar eru útum allt í kringum hana! (kannski svolítið ýkt en hljómar vel)

Ég minnist þess ekki að hafa fengið eina einustu pikkupplínu, er ég svona óaðlaðandi eða er ég bara svona fjandi tortrygginn alltaf og afgirt með vegg þegar ég er á böllum eða öðru djammi. Ég þarf að fara að gera eitthvað í þessu! Ég get svo svarið það. Sumar stelpur koma á djamminu og segja (ég hef allavegana heyrt þetta nokkrum sinnum) : "Vá ég er búin að fá tvær eða þrjár viðreynslur og það voru allt ljótir og feitir strákar!" Ég get einu sinni ekki sagst hafa fengið viðreynslu af ljótum eða feitum strák. Er eitthvað að mér? Ég er að hugsa um að senda svona spurningu til Röggu kynlífsráðgjafa og spurja um þetta. .....eða nei ég held ekki. Það er nú það allra hallærislegasta sem ég veit þessi kynlífsráðgjöf! Þetta er nú meira bullið, en ekki það, skemmtileg lesning svona til skemmtunar.
Í haust fór ég á ball og þar var stelpa með í hóp sem kyssti þrjá stráka á sama ballinu. Hvað er að?.... er eitthvað að mér eða er eitthvað að henni eða er fólk bara svona rosalega misjafnt?

Þegar ég fer svo að hugsa um þetta þá trúi ég því að einhverstaðar bíði mín hinn fullkomni myndarlegi strákur sem vill ekki gefa stelpum pikkupplínur og fer bara rétt að þessu. Þessvegna fæ ég engar pikkupplínur eða viðreynslur hvorki af ljótum né sætum strákum á djamminu því ég er svo "venjuleg" og þeir strákar sem finnst ég áhugaverð munu þá allavegana ekki reyna við mig á djamminu. Þegar ég fer svo að hugsa ennþá meira um þetta þá held ég að ég væri ekki sú manneskja sem myndi fara að (hreykja mér af) pikkupplínum....

HaHaHaHaHAHaHaHaHaH!!!!!!

(Ekki taka mig alvarlega frekar en fyrri daginn)

Tíminn er afstæður. (...?) Núna líður tíminn mjög hratt. Alltof hratt. Þegar mikið er að gera, ég er í skólanum, tónskólanum, læra, lifa lífinu og láta mig dreyma um skemmtilegt líf í miklu ríkidæmi í stórri höll....og allt það...sæti og flotti kvikmyndaleikarinn og allt það....líður tíminn svo hægt. Þetta er alveg furðulegt fyrirbæri tíminn. Mér finnst jólafríið bara hafa verið eins og ein vika, samt er jólafríið miklu lengra. Heilinn er svona í manni. Þegar manni finnst eitthvað ekki skemmtilegt, maður hefur ekki tíma fyrir skemmtilega þætti í sjónvarpinu, þarf að skila einhverjum verkefnum og svoleiðis og manni lengir eftir einhverju sem maður mun ekki fá, líður tíminn mjög hægt. Kannski er þá málið bara að reyna að gera það skemmtilegasta úr hinu hversdagslega lífi. Mér finnst t.d. alltaf gaman að fara í píanótíma, þó ég þurfi að druslast klukkan 18 í hljómfræði sama dag, og mér finnst gaman í íslensku tímum og sögutímum og mér finnst gaman að vera heima og horfa á sjónvarpið með smá samviskubit yfir því að vera ekki að læra og hugsa "what the fuck!".

Skrifar maður skrítin eða skrýtin? Hef ekki hugmynd.

Úps!

Hornataer_sumarlag.JPEG

"The winner takes it all, the loosers standing small. "

"Look in to his angel eyes, you think your in paradise!"

Þetta er algjör snilld hjá Abba, ekki textarnir endilega bar lögin. Ég fæ svona fiðring við að heyra lögin, það er að segja ef ég er í stuði fyrir Abba. Já ég veit ég er skrítin!